filmebi.pro
» » დილან მაკდერმოტი / Dylan McDermott

დილან მაკდერმოტი / Dylan McDermott

2:16 AM, 2018-09-23
  • დაბ. სახელი:
    დილან მაკდერმოტი
  • დაბ. თარიღი:
    26 ოქტომბერი, 1961 წ.
  • დაბ. ადგილი:
    ვატერბერი, კონეკტიკუტის შტატი, აშშ
  • პროფესია:
    მსახიობი, რეჟისორი, სცენარისტი, მოდელი

  • ხმა:
    0
  • ნანახია:
    24
დილან მაკდერმოტი / Dylan McDermott

დილან მაკდერმოტი / Dylan McDermott ბიოგრაფია

Загрузка...
Загрузка...
დილან მაკდერმოტი ამერიკელ მსახიობთა იმ რიცხვს მიეკუთვნება, რომელთა ფილმოგრაფიაც პრაქტიკულად მხოლოდ ჰიტებითაა გაჯერებული. შესაძლოა, ამის მიზეზი მსახიობის ბრწყინვალე გარეგნობაა. ასე თუ ისე, იგი ერთ-ერთი ნათელი ფიგურაა ამერიკული ტელევიზიის სამყაროში.

დილან მაკდერმოტი (>:მარკ ენთონი მაკდერმოტი), 1961 წლის 21 ოქტომბერს დაიბადა კონეკტიკუტის შტატის ქალაქ ვატერბერში, აშშ-ში. მისი ოჯახი განსხვავებული იყო სხვათაგან, რადგან დედას ის მაშინ შეეძინა, როცა 15 წლის იყო. მამა კი - ამ დროს 17 წლის გახლდათ. ასე რომ, ფაქტიურად ბავშვს ბებია და ბაბუა ზრდიდა. მალე დილანს მშობლებმა პატარა დაიკო რობინი აჩუქეს.

მოხდა ისე, როგორც ხდება ხოლმე უმეტესწილად, როცა ნაადრევ ასაკში ქორწინდები. ურთიერთ გაუგებრობის გამო, მსახიობის მშობლები გაიყარნენ. დილანი საცხოვრებლად დედასთან და ბებიასთან დარჩა. მაგრამ ეს ოჯახური იდილია დიდხანს არ გაგრძელებულა. ყველაფერი უბედური შემთხვევით დაიწყო - მსახიობის ახალგაზრდა დედიკო ტყვიის მსხვერპლი გახდა. როგორც გოგონას ბოიფრენდმა განაცხადა, იგი შემთხვევითი გასროლით შემოაკვდა. მაგრამ მამინაცვალი მკვლელობის მთავარ დამნაშავედ იყო ყოველთვის ეჭვმიტანილი.

პატარა და-ძმა ადრეულ ასაკში დაობლდა. თავის ღვიძლ მამასთან ბავშვებს ფაქტიურად არ ჰქონდათ ურთიერთობა. მათი ერთადერთი პატრონი ბებია იყო. მხოლოდ რამდენიმე წლის შემდეგ გახდა შესაძლებელი ღვიძლ მამასთან ურთიერთობის მცირეოდენ გაუმჯობესება.

დილანი ნიუ-ოირკში გადავიდა, სადაც მამასთან მცველად და ბარმენად დაიწყო მუშაობა. სწორედ აქ გაიცნო მან, მამისის მესამე ცოლი, ცნობილი დრამატურგი ივ ენცლერი (ავტორი სცენარისა „ვაგონების მონოლოგები“). სახელდობრ, ამ ქალბატონმა იქონია უდიდესი გავლენა ყმაწვილის ცხოვრებასა და შემოქმედებაზე. მას შემდეგაც კი, როცა მსახიობის მამა ივ ენცლერსაც გაეყარა, დედინაცვალსა და გერს შორის, ძალიან მეგობრული ურთიერთობა გაჩაღდა.

აქ უნდა აღინიშნოს, რომ სახელი „დილანი“ ჩვენმა გმირმა, მას შემდეგ დაირქვა, რაც დედინაცვალს მუცელი მოეშალა. ამ სახით სურდა მსახიობს, პატივი მიეგო იმ ბავშვისთვის, რომელსაც ამქვეყნად არსებობა არ ეწერა. პირველი როლი დილანისთვის სწორედ დედინაცვალმა დაწერა. მისი მოწოდებით გამოჩნდა მსახიობი სახვადასხვა თეატრის სცენებზე, რამაც უდიდესი როლი შეასრულა ამ უკანასკნელის ბრწყინვალე კარიერის ჩამოყალიბებაში.

თეატრმა მისცა მსახიობს შესაძლებლობა სწრაფად გადაენაცვლებინა ამერიკულ კინოსა და თტელევიზიის სამყაროში. ფართო ეკრანზე დილანის პირველი დებიუტი ომის თემაზე გადაღებულ დრამაში „Hamburger Hill“ მეორე ხარისხოვანი სერჟანტ ადამ ფრანცის როლით დაიწყო, 1987 წელს. კინოკრიტიკოსებმა ფილმს მაღალი შეფასება მისცეს. ამის შემდეგ, დილანმა ამერიკულ-მექსიკურ ფილმში „The Blue Iguana“ ითამაშა, ვინს ჰოლოუეის მთავარი როლი, 1988 წელს. ასევე, 1989 წელს მუდმივი როლი მიიღო სერიალში „Steel Magnolias“, სადაც მისი პარტნიორები იყვნენ: ჯულია რობერთსი და დერილ ჰანა. ამ სურათებმა განაპირობეს მსახიობის მსოფლიო კინემატოგრაფის სიმაღლეებისკენ ფრენა.

რეჟისორებმა მოუხშირეს დილანის მიწვევებს, თავიანთ ფილმებში როლების შესასრულებლად. მსახიობის სიხარულს საზღვარი არ ჰქონდა. მისი კარიერა სწრაფად მიიწევდა წინ.

გასული საუკუნის 90-იან წლებში დილანმა ითამაშა ისეთ გახმაურებულ ფილმებში, როგორიცაა: „Miracle on 34th Street (ბრაიან ბედფორდის როლი)“, „In the Line of Fire“ (აგენტ ალ დ’ანდრეას როლი), „Hardware“ (მოუზეს ბაქსთერის როლი) და „Jersey Girl“ (სელ ტომენის როლი). ასევე, სერიალში „The Practice“ (ბობი დონელის მთავარი როლი), რომლის გადაღებების 7 წელი გაგრძელდა (1997-2004). ყველაფერი ეს კი, გახდა საფუძველი იმისა, რომ თავისი პირველი ჯილდო „ოქროს გლობუსი“ მოეპოვებინა, რასაც შემდეგ კინომსახიობთა გილდიის პრიზი „ემიც“ მოჰყვა. ამას გარდა, სწორედ, ბობო დონელის როლის შესრულებამ მისცა მას შესაძლებლობა, მოხვედრილიყო ჰოლივუდის ყველაზე ლამაზ მამაკაცთა სიაში. დილანის სურათები მალე ბევრ ცნობილ გამოცემათა გარეყდებზე გამოჩნდა.

მალე მსახიობი ჰოლივუდის კლასიკურ ფილმებში მოგვევლინა. ესენია: „Texas Rangers“ (ლინდერ მაკლენი), „Wonderland“ (დევიდ ლინდი), „The Mistress of Spices“ (დაგი), „The Messengers“ (როი), „Burning Palms“ (დენის მარკსი), „Mercy“ (ჯეიკი). ზემოდჩამონათვალი ძალიან მცირე ნაწილია მსახიობის დიდი შემოქმედებიდან.

დილანი მუშაობს სხვადასხვა ჟანრში, მათ შორის: მელოდრამაში, მძაფრსიუჟეტიანსა და საშინელებათა ფილმებში. როგორც წესი, მას ყოველთვის მთავარი როლები ხვდება. სულ ორ-სამ ფოლმში თუ აქვს შესრულებული, მეორე ხარისხოვანი როლი.

ბოლო წლებში, მსახიობის კარიერას ჩავარდნა არ ჰქონია. გადაერთო რა ტელევიზიაში, ის თანამედროვე ჰიტური და კომერციულად შემოსავლიანი სერიალების გმირი გახდა. ამ ნიშნით გამორჩეულია სერიალებია: „Big Shots“ (დანკან კოლინსვორტი), „American Horror Story: Murder House“ (ბენ ჰარმონი), „American Horror Story: Asylum“ (ჯონი მორგანი), „Dark Blue“ (ლეიტენანტი კარტერ შოუ), „Hostages“ (აგენტი დანკან კარლაინი).

2014 წელს მსახიობმა ანტონიო ბანდერასთან ერთად ითამაშა ფილმში „Autómata“ (უელსის როლი), შემდეგ კი 2015 წელს, მილა იოვოვიჩთან და პირს ბროსნანომთან ერთად გამოჩნდა თრილერში „Survivor“, სემ პარკერის როლით.

2015 წელს დილანმა აშშ-სა და დიდი ბრიტანეთის ერთობლივ ფილმში „Survivor“ ერთ-ერთი მთავარი როლი შეასრულა.

პირადი: მსახიობი სხვადასხვა წლებში, კინოვარსკვლავებთან ჯულია რობერთსა და აიშვარია რაისთან სიყვარულობდა. ხმები დაირხა რომ ამათ გარდა, ჰოლივუდის სხვა ვარსკვლავებსაც ჰყვარობსო. ბოლოს მაინც გადაწყვიტა ქორწინების უღელში თავის გაყოფა. მისი ცოლი მსახიობი შივა ავშარ როუზი გახდა. მან ქმარს ორი გოგონა: კოლეტი და შარლოტა უშვა. მიუხედავ რამდენიმე წლის თანაცხოვრებისა, 2009 წელს ცოლქმარი ერთმანეთს დაშორდა.

ყვითელმა პრესამ განაცხადა, რომ 2015 წელს მსახიობი მეგი კიუზე დაინიშანაო, რომელიც მას პარტნიორობას უწევს სერიალში „Stalker“, სადაც დილანი, ჯეკ ლარსენის როლს ასრულებს, მეგი კი - ბეტ დევისის როლს.

მსახიობი ფართო მასისთვის მოდური სამყაროდანაც კარგადაა ცნობილი. ამ კუთხით, მისი ფოტოები მოდური სამყაროს ცნობილ გამოცემებში: «People», «GQ», «Men's Health» იბეჭდება.

მოგვწერეთ თქვენთვის სასურველი მსახიობი Mail-ზე: "კონტაქტი" და დავამატებთ ბიოგრაფიას.ყურადღება! აუცილებლად მიუთითეთ მსახიობის სახელი ლათინურად.

ასევე გირჩევთ ნახოთ:

კომენტარი: 0
avatar
FILMEBI.PRO © 2018