filmebi.pro
» » არას ბულუთ ინემლი / Aras Bulut Iynemli

არას ბულუთ ინემლი / Aras Bulut Iynemli

6:17 AM, 2018-09-24
  • დაბ. სახელი:
    არას ბულუთ ინემლი
  • დაბ. თარიღი:
    25 აგვისტო, 1990 წ.
  • დაბ. ადგილი:
    სტამბული, თურქეთი
  • პროფესია:
    მსახიობი, მოდელი

  • ხმა:
    0
  • ნანახია:
    20
არას ბულუთ ინემლი / Aras Bulut Iynemli

არას ბულუთ ინემლი / Aras Bulut Iynemli ბიოგრაფია

Загрузка...
Загрузка...
არასი სტამბულში დაიბადა. ყველასთვის კარგად არის ცნობილი, რომ დღევანდელი თურქეთი (ჩვენი "მამა-მარჩენალი") მდიდარი ქვეყანაა, თითქმის, ყველა რესურსით და ცხადია, ნიჭიერი ადამიანებითაც. სწორედაც, არასი ერთ-ერთი იმათგანია. მას უფროსი და-ძმა ჰყავს. ორივენი, ასევე, შემოქმედებითი ნიჭითაა დაჯილდოვებული. ძმა სცენარისტი და დრამატურგი გახდა. და კი - მუსიკოსი და ვოკალისტი.

ბავშვები, ოჯახში მზრუნველობასა და შემოქმედებით გარემოში იზრდებოდნენ. ლიცეუმის დამთავრების შემდეგ, არასი სწავლის გასაგრძელებლად ტექნიკურ უნივერსიტეტში, ავიაციის ტექნოლოგიის ფაკულტეტზე შევიდა. ასე რომ, მას ტექნიკური განათლებაც აქვს მიღებული.

ოჯახში დანერგილი წესის თანახმად, შემოქმედებისადმი განსაკუთრებულმა ლტოლვამ, თავისი ნაყოფი გამოიღო. უკვე 16 წლის არასი, სერიალში - "დაბრუნება" - მიიწვიეს გდაღებებზე. ეს სერიალი ახლაც მოდურია და სხვადასხვა ქვეყნების ტელე-ეკრანებზე გადის მოცლილი ხალხის გასართობად.... თუმცა, აქ შესრულებულ როლს, არ მოუტანია მსახიობისთვის პოპულარობა. გადაღებების დასრულების შემდეგ, მას ბევრი მიწვევა ჰქონდა სარეკლამო რგოლებში და მათ შორის ზოგთათვის საყვარელ ყავა «Nescafe» - ს სარეკლამო რგოლშიც. ამიტომ, ბიჭი სწრაფად შენიშნეს იმ ადამიანებმა, რომლებიც კინობიზნესით არიან დაკავებულები.

დიახ და სახელდობრ, 2010 წელს, მომდევნო სერიალში "დაკარგული წლები" - რეჟისორმა ზეინეპ გუნაიმ მიიწვია ის, ერთ-ერთ არც თუ ისე მთავარ როლზე და სწორედ, აქ შესრულებული - მეთე აქარსუს როლით გახდა იგი სახალხოდ ცნობილი და აღიარებული. ამას გარდა, მან პრესტიჟულ თურქულ პრემიასაც გამოჰკრა ხელი, რამაც მის წინაშე კინოხელოვნების ჰორიზონტიც და ახალი შესაძლებლობებიც გამოაჩინა.

არას ძაანაც მოეწონა აზერბაიჯანი და იქ მუშაობა. ამიტომაც ამ დროს, როგორც ყველაზე ჯადოსნურს მის ცხოვრებაში, ისე იხსენებს.

ერთი წლის შემდეგ კი, ნიჭიერი ახალგაზრდა, გახმაურებულ ისტორიული ჟანრის სერიალის "დიდებული საუკუნის" მეოთხე სეზონში მიიწვიეს. სერიალის შექმნელებისთვის ეს მეტად რთული საქმე აღმოჩნდა, რადგან გასულ სეზონებში, შეჰზადე ბაიაზიდი, პატარა ბიჭის სახით იყო წარმოდგენილი. მათ უნდა მოეძებნათ მსახიობი, რომელიც ზრდასრულობაშიც ამ ბიჭს ჰგავდა და ასევე, მისი მშობლების მსგავსი ნაკვთებიც ექნებოდა. ამას გარდა, მსახიობი კარგად უნდა გამოჩენილიყო კადრში, უნდა ყოფილიყო შრომისმოყვარე და შეუპოვარი, რათა თავიდან აერიდებინა სტრესული მდგომარეობანი, რისი ტყვეც, ამ პროექტის გადაღებისას, ბევრი მსახიობი აღმოჩნდა.

2016 წელს, მსახიობი ცნობილმა თურქმა რეჟისორმა, ულუჩ ბაიაქთარმა მიიწვია (როგორც TV - იმედი აპიარებს - "ამნაირად და იმნაირად გადასარევ") სერიალში - "Icerde" / "შიგნით". TV - იმედის ენაზე - "ძმა", სადაც არასი, მერთის როლს ანსახიერებს, მისთვის დამახასიათებელი დამაჯერებლობითა და ხასიათთა გარდასახვის დიდოსტატობით.

პირადი: ბოლო დროინდელი ცნობებით, მსახიობი არ არის გატაცებული სერიოზული რომანტიკით. ისე - შიგა და შიგ კი გამოკრავს ხოლმე ხელს, გემრიელ ლუკმას. ბუნებრივია, არა თურქულს, რადგან მათი ქალები, ჩვენებისა არ იყოს , ამ საკითხში ძაანაც სპეტაკები არიან...

ახლა სერიოზულად. არასი ჯერ დაქორწინებაზე არ ფიქრობს, რადგან ჰგონია, რომ კარიერაში ეს ფაქტორი ხელის შემშლელი აღმოჩნდება. თან მას გეგმები აქვს. პროდიუსერები ევროპული კინოსკენ ექაჩებიან. არასს ჯერ არ გადაუწყვეტია, თუ საით გადაიხაროს. წარმატებები ვუსურვოთ მსახიობს შემოქმედებით მუშაობასა და პირად ცხოვრებაში.

ფილმოგრაფია: 2008 - Arka Sokaklar, 2010 - 2012 - Öyle Bir Geçer Zaman ki, 2013 - Tamam miyiz?, 2013 - Mahmut ile Meryem (Mahmut), 2013-2014 - Muhtesem Yüzyil, 2015-2016 - En güzel Hikayem, 2016 - Içerde, 2017 - Martilarin Efendisi, 2017 - Çukur (Yamaç Koçovali)

მასალა მოამზადა: ვაჟა ჩომახიძემ

მოგვწერეთ თქვენთვის სასურველი მსახიობი Mail-ზე: "კონტაქტი" და დავამატებთ ბიოგრაფიას.ყურადღება! აუცილებლად მიუთითეთ მსახიობის სახელი ლათინურად.

ასევე გირჩევთ ნახოთ:

კომენტარი: 0
avatar
FILMEBI.PRO © 2018